सभासद छनोटमा लेनदेनको सूचना पाए छानविन गछौं : लोकमान

Vअख्तियार दुरूपयोग अनुसन्धान आयोगका प्रमुख आयुक्त लोकमानसिंह कार्कीले संविधानसभाको समानुपातिक सभासद् छनोटमा आर्थिक लेनदेनको सूचना प्राप्त भए अख्तियारले भ्रष्टाचारकै हिसाबले अनुसन्धान गर्ने बताएका छन् ।

मध्यमाञ्चल र पूर्वाञ्चलको भ्रमणका क्रममा बिहीबार राजविराज आइपुगेका अख्तियार प्रमुख कार्कीले सञ्चारकर्मीसँग कुरा गर्दै कार्कीेले मुलुकमा सुशासन कायम गर्ने, मुलुकलाई अनिर्णयबाट निकास दिने र भ्रष्टाचारलाई शुन्य सहनशीलतामा झर्ने बताए ।

स्थानीय जनतासँग प्रत्यक्ष सरोकार रहेका विकास आयोजना र सार्वजनिक चासोका विषयमा १५ दिनदेखि सप्तरीसहितका जिल्लामा अनुगमन गरेको भन्दै उनले केही बिचोलिया र पहुँचवालाले जनताका नाममा आएका रकम दुरुपयोग गरेको प्रारम्भिक रुपमा पाइएको बताए । कार्कीले नक्कली कागज तयार गरेर जनताको नाममा आएका पैसा दुरुपयोग गर्ने जोसुकैलाई पनि कारबाही गर्ने बताए । रासस