दुघर्टनमा ज्यान गुमाएका पाँच सन्तानको स्मृतिमा छात्रवृत्ति

सडक दुर्घटना ज्यान गुमाएका ५ सन्तानको स्मृतिमा मोरङ राजघाट—७ का कालिप्रसाद अधिकारीको परिवारले शुक्रबार विद्यार्थीहरुलाई छात्रवृति प्रदान गरेको छ ।
मृतकहरुको स्मृतिमा अधिकारी परिवारले अरनिको उच्च माविका ५ जना गरिव तथा जेहेनदार विद्यार्थीलाई  एक हजारका दरले छात्रवृति उपलब्ध गराएको हो ।

सडक दुर्र्घटनामा ज्यान गुमाएकाा सन्तानको तस्वीर देखाउँदै अधिकारी दम्पति

छात्रवृति पाउनेमा भावना भट्टराई, कल्पना गौतम, लक्ष्मी श्रेष्ठ, गोपाल भण्डारी र सविता अधिकारी छन् । एउटै मोटरसाईकलमा सवार कालिप्रसाद अधिकारीका छोरा शशी, बुहारी देवी, नातिनी कृतिका, प्रीतिका र नाती प्रितमको पूर्व–पश्चिम राजमार्ग अन्तर्गत कानेपोखरी सडकखण्डमा ०६७ असोज ३० गते दुर्घटना हुँदा  मृत्यु भएको थियो ।

छोरा शशी अरनिको उच्च माविका पूर्व विद्यार्थी भएकाले सोही विद्यालयका विद्यार्थीलाई छात्रवृति प्रदान गरिएको बुवा कालिप्रसादले बताए । उनले विद्यार्थीलाई वर्षेनी छात्रवृत्ति उपलव्ध गराउन माघभित्रमा एक लाख ५० हजार बढीको अक्षयकोष खडा गर्ने  घोषणा गरे ।
कार्यक्रममा विद्यालयका प्राचार्य ताराप्रसाद अधिकारीले गरिव तथा जेहेन्दार विद्यार्थीलाई छात्रवृत्ति दिएर अधिकारी परिवारले ठूलो गुण लाएको बताए । कार्यक्रममा स्वर्गीय शशि अधिकारीकी आमा प्रेमकुमारी, सासु राधा कट्टेल, भाइ युवराज, बहिनी मुना सुवेदी, दिपा निरौला र तुलसा निरौलालगायतको उपस्थिती  थियो ।