कोइरालाको कसरत
काठमान्डौ, २८ पुस ।
नेपाली कांग्रेसका सभापति सुशील कोइरालाले सरकार गठनका लागि आजदेखि आन्तरिक गृहकार्यलाई तीव्रता दिनुहुने भएको छ ।
कोइरालाको निजी सचिवालयले दिएको जानकारी अनुसार कोइरालाले आजदेखि आन्तरिक र अन्य दलहरुसँगको छलफललाई तीव्रता दिनु हुने छ । पार्टीका शीर्ष तथा प्रभावशाली नेताहरुसँग आज छलफल हुने सभापति कोइरालाका स्वकीय सचिव लक्ष्मण ढकालले जानकारी दिनुभयो ।
कोइरालाले आन्तरिक छलफलपछि अन्य दलहरुसँग कुराकानी गर्नुहुने छ । पार्टीका उपसभापति रामचन्द्र पौडेल र वरिष्ठ नेता शेरबहादुर देउवाले पनि प्रधानमन्त्रीका लागि आकांक्षा व्यक्त गरेपछि कोइरालाले पहिले पार्टीमा सहमति गरी अन्य दलसँग छलफल गर्ने योजना बनाउनु भएको छ ।
उपसभापति पौडेलले हिजो तनहँुमा पत्रकारहरुसँग कुरा गर्दै एकपटक आपूmलाई मौका दिन आग्रह गर्नुभएको थियो भने वरिष्ठ नेता देउवाले पनि आपूm निकटका नेताहरुसँग छलफल गरिरहनुभएको छ ।
No comments:
Post a Comment