तीन ठाउँमा आगलागी

३ भिन्नाभिन्नै स्थानमा आगलागी भएको छ । प्रहरीका अनुसार कोटेश्वर स्थित फलफूल तथा तरकारी बजार नजिकै केदार ढकालको घर र बागबजारको सिद्धि सवायर कम्प्लेक्समा बिजुलीको तार सर्ट भएर आगलागी भएको हो । भृकुटीमण्डपमा परमानन्द चौधरीले सञ्चालन गरेको जनता होमियो फर्मामा समेत आगालागी भएको प्रहरीले जनाएको छ ।

ढकालको ३ तले घरको भुईं तलामा मरिचमान श्रेष्ठको कपडा पसल, नवराज दाहालको जुत्ता र केमिकलको पसलमा आगलागी हुँदा ८० लाख रुपैयाँ बराबर क्षति भएको जनाइएको छ ।

फलामको ट्रस्ट बनाउने वाइरिङ मेसिनबाट करेन्ट सर्ट भएर आगलागी भएको प्रहरीले जनायो । बागबजारको कम्प्लेक्समा ३ वटा कपडाको पसलमा आगलागी हुँदा ३५ लाख बराबरको क्षति भएको छ । भृकुटीमण्डपमा औषधि पसल जल्दा २३ लाख बराबरको क्षति भएको प्रहरीले जनाएको छ ।